陳豪應承下年結婚
陳豪、佘詩曼、林保怡及黃德斌等前晚到荃灣倒數迎新歲，陳豪被觀眾催婚，他向工作人員派開工利是時，被黃德斌取笑說：「乜你結咗婚嗱？」更叫他明年派雙封利是，他尷尬說：「收到，多謝！（睇舖位準備求婚用？）我自己睇啫，唔係求婚。」
阿佘對被傳豪擲4千萬購入跑馬地豪宅，她說：「邊有4千萬咁多？依家香港地買親樓都八位數o架啦！我唔會搬入去，會用嚟投資。係有人斟過我賣，但我想keep一陣先，希望香港樓市好景。（落實過檔英皇？）有傾過，但未傾價錢。」阿佘又指洪天明兒子勁似天明，問她何時生B，她說：「已經有好多BB畀我玩，我情人節都冇人約，搵錢至上！」