阿嬌急學韓文氹『奶奶』
今年的情人節緊接在農曆新年之後，不少成雙成對的歌手都把握機會「打孖」慶祝。鍾欣桐（阿嬌）與泡菜男友打得火熱，自爆要學韓文冧男友家長；蔡卓妍（阿Sa）則力證與陳偉霆感情未變，更會「踩上門」到男友家拜年。
Twins和洪卓立前晚一同在商場迎接新年，與泡菜男友蜜運中的阿嬌在台上自爆新一年想學韓文，原來是為了行「奶奶政策」：「想同佢屋企人溝通好啲，平時同男友都係講英文。」問到會怎樣和男友過第一個情人節，阿嬌就甜絲絲地說：「有飯食啩！（準備驚喜畀男友？）過咗（情人節）話你知！」她又表示已送情人節禮物給男友，但尚未收到男友的禮物。
約定慶祝情人節
阿嬌Sweet爆過新年，但就有傳其拍檔阿Sa和男友陳偉霆感情亮紅燈，阿Sa一臉無奈地說：「是但啦，不嬲唔鍾意將工作同私人嘢混埋一齊講。」當追問二人是否仍在拍拖時，阿Sa就點頭承認，更反問記者：「你唔係信吓嘛？」為力證兩人戀情未變，她指會上男友家拜年，問到情人節怎樣慶祝時更風騷地說：「唔話你知！」而早前影到她和形象指導馬天佑結伴睇韓國組合Big Bang騷，她就解釋：「馬天佑有女朋友o架，大家都覺得好好笑，同埋嗰日都唔止兩個人，仲有電台DJ一齊睇。」
洪卓立組情侶檔
同場的洪卓立日前被《好報》影到他和緋聞女友湯怡拍拖睇戲，他繼續否認這段5年戀：「都冇咩親暱動作，行街好正常啫，又唔係拍拖先可以做。」問到兩人是否有共識拒公開戀情，他說：「同公司有共識！」又自爆年初四會以「情侶檔」接騷：「第一次淨係得我哋兩個唱歌。（拖手唱？）到時睇氣氛啦！」
文：音樂組