李蘊唔信力宏動粗:係咪夾定?

劉謙舊愛李蘊聞悉掌摑事件表現驚訝,不斷反問:「係咪真o架?」當記者告知來龍去脈後,她仍難以置信:「我心目中嘅王力宏好斯文。件事係咪夾定咋?抑或係一場誤會?你哋搞清楚先。」問到可會慰問劉謙,她更急急劃清界線:「我哋冇聯絡好耐,唔方便講佢,佢嘅嘢唔關我事!」

李蘊於2011年無綫節目《魔法擂台》與劉謙撻着,去年7月高調宣布分手,月前被《好報》踢爆她戀上內地金融才俊羅章冠。由於男友不在港,她在新年期間與李曼筠一起擔任魔術匯演嘉賓,她於前晚出席表演前,自稱首次向國際級魔術師學藝,明顯已把劉謙拋諸腦後。問她有否向舊愛偷師,她即表示「以前嘅嘢唔記得晒」,全情投入新歡懷抱。