星爺攞頭威 百嗚嬴志偉

今年賀歲檔期共有7部電影於前日上映，當中有3部為華語電影，分別是周星馳執導的《西遊．降魔篇》、黃百鳴的《百星酒店》及曾志偉的《2013我愛HK恭囍發財》，幾部作品的演員近日均落力四出宣傳。由兩位女神舒淇、周秀娜及內地演員文章演出的《西》片，基於星爺作品有保證，結果開畫累積票房收超過170萬，暫成為港產片票房No.1，但星爺仍平常心面對，表示他雖然未有參演，但大讚演員們很努力，更揚言若票房好不排除開拍續集。

內地收4千萬

排行第二為黃百鳴出品的《百》片，找來了毛舜筠、吳君如及鄭中基等笑星參與，令開畫累積票房輕易達72萬多，該片日前還拉大隊到深圳、廣州、天津等地方宣傳，結果於內地上映一周，票房已錄得超過4400萬港幣。過去兩年均與志偉賀歲片鬥餐飽的百鳴，今年終於威番次，而《我》片仍未在內地上映，故於本地票房方面，《百》片單日開畫票房以39萬撼贏收34萬的《我》片。

新年知己知彼

身為志偉老友兼有份參與《我》片演出的陳百祥（阿叻），大抵新年將至，昨日被問到《百》片票房暫時領先時，他卻一改平時寸嘴口脗，笑指新年要和氣生財，更謂：「大家都差唔多咪好囉！永遠唔計輸定贏就最好，譚詠麟同我講志偉睇到喊（志偉話阿倫睇到喊喎！）真係唔知佢哋，志偉之前講想拍個有感觸嘅賀歲片，咁依家咪成功囉！」

即將出發到加勒比海度歲的阿叻，笑指為了知己知彼，故準備回港後會捧埋其他賀歲片場，問到睇好誰會於賀歲檔跑出，他笑謂會睇好星爺的賀歲片。至於外語片則由《虎膽龍威：擇日開戰》收183萬，暫成為本地票房冠軍！

文：影視組