薛凱琪認蒲同志bar玩得開心
薛凱琪（Fiona）被《好報》獨家拍得上月到中環豪放夜蒲，化身「人肉攝石」先後吸引三名猛男埋身肉搏！昨日Fiona回應指當日其實是與好友到同志bar狂歡，並揚言自己在夜場的表現光明正大。
曾自爆於2009年因壓力爆煲萌輕生念頭的Fiona，平日最愛夜蒲減壓，且每每飲醉收場，儀態盡失。上月中，《好報》獨家拍得Fiona在中環瘋狂夜蒲實況，先後吸引三名猛男埋身肉搏，魅力沒法擋！
攬到實‧枕膊頭
當晚Fiona以早上出席活動所穿的露背火紅戰衣現身夜店，幾杯烈酒到肚後，明顯有醉意的Fiona還未步進舞池狂歡，即吸引狂蜂A上前搭嗲，二人不但哄到極埋咬耳仔，還玩「黐手」解悶。之後Fiona在舞池中碰到浪蝶B埋身玩肉搏，兩人像連體嬰般「心口貼心口」緊緊擁作一團，浪蝶B更猶如BB般將頭枕在Fiona膊頭。
之後，大隻男餓狼C再加入戰團，遭兩名猛男圍攻的Fiona開懷甜笑，演變成左擁右攬的3P精彩戲碼，兩男一女化身「人肉三文治」喪跳，餓狼C更用手直落掃勻Fiona的香肩、背脊、蛇腰及pat pat，Fiona則擺出一副陶醉樣，狀態極high的她更聞歌熱舞，甚有節奏地擺動臀部，一時高舉雙手，一時頭fing fing；Fiona如此忘我，餓狼C亦落力配合起勢搖與她鬥chok！狂歡過後的Fiona一度要匿埋暗角回魂叉電。
跳《886》‧見得光
Fiona昨日接受本報電話訪問，直認當晚玩得相當盡興：「我嗰日去咗男同志bar，因為播咗兩首我嘅歌，其中有《886》所以跳得好開心！其實大家唔使太過愕然，我難得放假梗係同朋友玩得開心啦！我舅父同我講，我喺公眾場合做嘅嘢全部都要見得光，所以我唔擔心人哋覺得我點，我唔想因為藝人或工作嘅身份而有所避忌。」她又說不怕因落同志bar玩遭誤會性取向：「呢個圈啲人成日以為我哋點點點，所以我完全唔擔心。」
文：專案組