高海寧招觀眾緣 上位靠是非

高海寧每年都會在家中添置年花，特別近年會購買桃花，除了增進感情運外，亦希望增加觀眾緣，單身的高海寧坦言想拍拖，她說：「當然想有人錫，有事發生可以同人分享，所以會買桃花，就算招唔到姻緣，都希望招到觀眾緣。」

高海寧恨拍拖，但實情事與願違，身為公眾人物自然多顧慮，她說：「拍拖出街又會畀傳媒追蹤，對於追求者呢啲都係壓力，愛情隨緣啦，蘇民峰師傅話我今年係事業嘅高峰期，叫我唔好諗咁多，話最快都要2018年後先嫁得，所以自己都唔心急拍拖。」

高海寧到花墟選購年花，蘭花也是她的心頭愛。

蛇年是高海寧的事業高峰期，但卻易惹是非。

注意情緒

高海寧透露蘇師傅又批她今年會多是非，但認為她做娛樂圈，是非也是觀眾的話題，也可以不用想辦法化解，她說：「師傅話我性格好樂觀，叫我今年注意情緒就可以，都唔使特別去化解是非，多啲話題可能對事業有幫助。」

高海寧連續第四年參與賀歲片拍攝，戲份也逐年增加，今年扮演為養家湊仔、要淪落到跳艷舞賺錢的過氣明星仔，她說：「每年嘅戲份都逐漸多啲，好似一大班同事，每年一度嘅聚會咁，最難忘係今年成大班人喺後台打邊爐。」高海寧在《法網狙擊》的強姦戲令她成為熱話，她說：「都係做演員嘅本分，睇劇情需要，其實唔係純粹一場強姦戲，場戲係帶出咗背後意義，吸引到觀眾反應係Bonus。」

文：影視組　

攝：李廣成