阿叻斥百萬搵朱千雪陪歎

陳百祥最近以出品人身份自資七位數製作費，拍攝旅遊特輯《叻哥遊世界》，與一班好友藝人鄺美雲、譚詠麟、狄易達和朱千雪等暢遊世界五大洲，包括巴西、非洲、歐洲、澳洲、中國及中東等地，搜尋美食和教觀眾如何享受人生。

用三隊攝製隊

談到今次拍攝工作，阿叻說：「我自細夢想去晒全世界，今次原本諗住同班朋友去巴西嘉年華兼旅行，啟發到不如去晒五大洲，將享樂旅程以趣味性同生活化手法拍成特輯與眾分享，我亦好想帶大家去啲成日聽到但可能未去過嘅地方。」

朱千雪難忘在沙漠中的泳池游水。	阿叻（左起）、朱千雪、岑麗香及岑杏賢早前為《叻》搞慶功宴。（資料圖片）	阿叻覺得朱千雪努力兼EQ高。

阿叻今次欽點了朱千雪一起前往阿拉伯聯合酋長國的Ras Al Khaimah玩樂，到該處要先乘飛機到杜拜，再轉乘個多小時車。阿叻說：「當年我去嗰時，嗰度係個沙漠，依家係個好有錢嘅沙漠，我哋喺酒店見到好靚嘅沙漠、小橋流水，瞓喺房嘅床上會見到羊同駱駝喺房門口行來行去。」阿叻又說這節目是電影般的大製作，用了三隊攝製隊拍攝，他說：「真係諗住同班朋友旅行，冇諗過賺錢。拍之前亦唔理無綫會唔會買呢個節目，最終佢哋用綜藝節目中嘅Ａ級價買咗兼播放。」

難忘沙漠游水

問阿叻為何欽點朱千雪同行？他說參與港姐選舉外景拍攝時，與朱千雪相處時間長，覺得她很努力和ＥＱ高。朱千雪坦言感幸運：「有機會同叻哥合作好開心，過程中學到好多嘢。去之前只係話去歎世界，又話唔使記稿，感覺唔似做嘢。印象最深刻係可以喺沙漠中一個泳池游水，感覺好奇妙。」

文：影視組

場地：觀塘帝盛酒店