江若琳吸仔陣 謝絕爛桃花

即將踏入農曆新年，身穿搶眼桃紅色衫的江若琳（Elanne）為了送龍迎蛇，化身「人肉桃花」親自揀花吸運。問到已Dry足幾年的她恨有桃花運？Elanne笑言：「直頭恨到流口水啦，有時桃花唔一定係恨男朋友，都恨觀眾緣同人緣，有時想有貴人幫吓我。」她又指近年身邊不乏男士獻殷勤，但大嘆統統都是爛桃花：「嗰啲都係假桃花，所以我冇接受到，仲等緊真嘅桃花出現。」

她預告農曆新年將會回鄉探望祖父母，出錢出力孝敬兩位老人家：「已經好多年冇返過廈門，我哋鄉下有個習慣，就係出嚟做嘢後就唔可以收長輩利是，反而要準備一定金額派利是畀屋企人，今年至少都預咗五位數嚟孝敬老人家。」

Dry足幾年的江若琳盼行正桃花運，希望有貴人幫助。

江若琳寄望蛇年財源滾滾，又計劃暑假出碟。

暑假再出碟

歌手出身的Elanne去年成功攻入影壇，更在「金像獎」入圍女主角獎，問鼎影后寶座，她指寄望蛇年財源滾滾，繼續吸金：「我唔會嫌錢多，但都唔會放得太重，最緊要係做嘢過程開心。」提到《好報》早前踢爆她的經理人公司與唱片公司意見不合？她說：「關係仲好好，唔會將呢啲事放上心，老闆何哲圖為配合我拍劇、拍戲，講好咗暑假再幫我出碟。」

攝影：林蔚恩

髮型：James Lee@HAiR

化妝：Maggie Kuo

場地：繽紛花藝廣場

文：音樂組