張國強親熱戲救收視
張國強（KK）和白健恩昨日為保健品牌衍生拍攝平面廣告，熱愛足球的KK透露很多衍生員工愛踢波：「如果佢哋組番一隊慈善足球隊，我諗住做教練，不過啲員工大部分都係女仔，我未試過教女仔，玩吓都OK。」提到黃浩然指劇集《初五啟市錄》的收視告急，有份演出的KK力撐劇集：「好似愈來愈多人睇喎！我依家行出街啲人都叫我做三叔。（因為你同葉翠翠嗰場親熱戲之後先多人睇？）哈哈，都可能有啲關係，不過我同佢嗰場好少，只係點綴，佢之後同楊明就真係玉帛相見，蝕咗添，不過呢啲都係留番畀啲後生。」
同場的小白被問會否與緋聞女友莊思敏過新年時，他即「嘩」一聲，然後以要為舞台劇排練而避談。對於莊思敏曾表示要單身過情人節，他謂：「佢點會冇人約？但係我都會問下佢。」問到有否發展機會？他答：「唔知o架，不過唔會Say No。」