卿姐忍喪母痛加戲 志偉拜服

久休復出的葉玉卿與譚詠麟和曾志偉拍攝賀歲片《2013我愛HK恭囍發財》，三人早前受訪時向觀眾拜個早年。卿姐笑指戲份雖已比接洽時大大增量，但卻愈拍愈唔夠喉，她說：「初頭諗住返嚟玩，行行企企都冇所謂，睇咗劇本咁簡單仲開心，但後尾又覺得唔可以，唔係話要爭戲份，係唔過癮，都返得嚟就要攞多啲嘢出嚟畀觀眾睇。」卿姐要求加戲後，便加插了與喬寶寶的印度版《擋不住的風情》，她說：「刻意性感就唔好，咁樣無厘頭搞吓笑就OK。」
譚詠麟（左起）、葉玉卿、曾志偉齊向觀眾拜早年。
譚詠麟（左起）、葉玉卿、曾志偉齊向觀眾拜早年。

卿姐回港拍攝賀歲片期間母親剛巧過身，卿姐為免影響大家拍攝喜劇心情，當時也沒有透露半句，她說：「因為拍攝好趕，唔想影響到大家，加上媽媽年紀大，已經做好心理準備。」志偉說：「佢真係好堅強，成組人都好佩服佢！」

卿姐因老公不准復出，已回加國繼續做少奶奶。
  • 卿姐因老公不准復出，已回加國繼續做少奶奶。