戚黛黛教大哥瑜睇英國波
當縱橫講波界40年嘅「大哥瑜」蔡育瑜遇上「六合彩女神」戚黛黛會講啲乜？都係講睇波啦！「大哥瑜」教睇波踢波大家唔會意外，但足球都未必踢過嘅戚黛黛，今次竟然可以反客為主，教番蔡育瑜睇波，話嚟緊八月睇波有「新睇法」喎！又睇吓「黛黛」有乜花臣！「大哥瑜」係講波界嘅Icon人物，佢所屬嘅now TV最近宣布奪得下屆「英國波」直播權，講英國波對蔡育瑜易過借火啦！但原來now TV將會推出多項嶄新功能方便球迷睇波，仲會推出超高清直播。雖然「大哥瑜」年近60，但仍肯向後生女戚黛黛請教點用點樣玩法：「黛黛，依家睇波都有咁多功能upgrade，我當然要一齊upgrade啦！」
1.重點跳播精彩瞬間即時睇番
雖然「黛黛」初嚟埗到，但就對now TV嘅新動向瞭如指掌，所以絕對啱做「大哥瑜」嘅睇波導師：「講到新功能就唔可以唔提Timeline（重點跳播），有時球迷如果朝早起身趕返工，又想重溫昨晚入球又點算呢？自選服務（VOD）嘅Timeline功能就啱晒，因為觀眾唔使由頭開始搜畫，一按Timeline即可自由選擇嗰場波嘅每個入球、紅牌及黃牌等重要時刻，等你隨時操控。」聽到呢項新功能嘅「大哥瑜」就大讚：「一晚咁多場波，要全部睇晒根本冇可能，呢個功能真係fit晒！」
2.操控直播幾時開波你話晒事
「黛黛」愈講愈起勁咁繼續介紹：「另一功能Timeshift仲勁呀，『大哥瑜』你有沒有試過睇波途中，因突發事件而錯過重要時刻？又或者開咗波先趕到返屋企，但又想從頭睇場波呢？嗱！新球季增加嘅另一項功能Timeshift（操控直播），就可以令你將直播緊嘅球賽即時暫停，辦完事後隨即再按掣繼續播放，既方便又快捷。就算你遲咗開電視睇直播，只要你一按個Timeshift掣，就可以從第1分鐘開始睇起，咁觀眾就可以完全掌握開波時間，唔會錯過大戰嘅每一分秒！」
3.手機錄影下載Apps點睇都得
除咗電視上有新功能外，依家嘅now Record亦有新增服務，只要配合節目指南應用程式App，預較開波時間，即使場波踢緊，觀眾仍可以用手機或電視遙控作即時錄影，返到屋企再慢慢重溫。本身嘅客戶亦可透過應用程式「now Player」，喺電腦、智能手機及平板電腦等不同裝置上，收看直播賽事，隨時隨地都可以睇波。
另外，now TV由下個月開始仲引進更高質素高清廣播「Super HD」，換言之下一個球季可提供全部380場標清（SD）、高清(HD)、以及全新嘅「Super HD英國波」足球直播，畫面質素確係無與倫比。
資料：由客戶提供