黃芷晴叫男友學老竇送花
黃日華女兒黃芷晴昨日出席新春活動，透露活動後即要趕往為王維基的電視劇《我阿媽係黑玫瑰》開鏡，她說：「係我第一部電視劇，情人節都要開工，諗住到時整啲朱古力畀劇組人員食，（男友冇份？）諗緊送咩畀佢，其實有時都會做啲小手作畀佢，例如皮革！」她謂今年是二人第二個情人節，但就不能一起過。
問到父親在情人節對媽媽有何表示？她說：「爸爸好好o架，每年情人節都會送花畀我同媽咪，媽咪嗰紮仲好大紮，（男友有冇送花畀你？）少啲，所以我都叫佢學吓我爸爸！」她笑言男友對她入娛樂圈沒有甚麼規條，反而是爸爸較嚴厲。