Jeana上香求戲 Mia胸降樂壇

八十後「蛇女」何佩瑜、陳靜儀、盧頌之及黃雪瑩蛇年犯正太歲，但她們直言無有怕，日前便抽空到油麻地天后古廟攝太歲，一字平排誠心上香，祈求蛇年順風順水，吸金至上。

提到新一年，於電影《一代宗師》客串的Jeana直言希望可以跟型男梁朝偉合作，她說︰「新一年當然想拍多幾套戲啦，最想同梁朝偉合作，有對手戲就最好喇。」未知男友張柏文會否因此呷醋呢？問到Jeana會否做蛇年新娘在下年派利是，她則說︰「我過年都會派利是，但結婚去派嗰種就未有打算。」至於模媽Mia揚言新一年要組隊胸降樂壇︰「嚟緊想唱歌同跳舞，可以嘅話計劃組一隊組合，但依家未搵到隊員，我連組合名都諗埋叫『Ma Ma Mia』。」

左起：DaDa、Jeana、Suki、Mia誠心上香，希望蛇年順順利利。

Mia計劃組隊性感闖樂壇。

蜜瓜香蕉喪擸揮春

此外，天使妹「香蕉」王淑玲和「蜜瓜」關婉珊昨午齊齊以紫色連身裙行維園花市，希望新一年能大紅大紫，隨後二人在朋友的揮春檔免費喪獵揮春，身材驕人的二人最後揀了「豐胸成功」同「蛇腰再現」的揮春，而香蕉還揀了個「早日嫁得」，非常恨嫁。

文︰專案組

攝︰林蔚恩、謝國華