Crystal韓國追星唔見萬五蚊
女子組合HotCha成員Crystal早前到韓國欣賞當紅組合Big Bang演唱會，自認是隊長G-Dragon超級fans的她表示：「去韓國睇騷仲平，都係1千蚊左右。」完騷後翌日，她到旅遊區血拼買化妝品時，遇見明星保母車泊在餐廳門口，故抱住碰運氣心態等睇星，Crystal說：「點知真係畀我睇到T.O.P（Big Bang的成員）出現呀，雖然只係得一秒，但我開心到喺街度尖叫。」
Crystal隨即掏手機欲拍下餐廳相片向友人炫耀一番，但手袋中的銀包及借用的韓國手機卻不翼而飛，問她損失多少錢？她謂：「銀包有8千元港幣，連賠償唔見咗嗰部手機，一共損失15,000元港幣，唯一慶幸證件冇唔見。」Crystal到當地警署報案時，忍不住喊了兩小時，並急致電回港向父親求助，她又呻：「今個月我冇晒零用錢，惟有新年時努力（逗）利是幫補吓啦。」
