舒淇講秘婚寸爆：生咗兩個

周星馳、舒淇與周秀娜昨出席電影《西遊‧降魔篇》香港首映禮，在內地「賣大包」的周秀娜收起性感，而舒淇則以少少性感赴會！早前與星爺傳不和的導演郭子健亦有現身，大合照時則企最後排，不過，兩人均否認不和。

前日星爺與舒淇於廣州宣傳又錫面又錫手，問星爺是否跟舒淇關係要好？他說：「我不嬲都咁好，舒淇就要睇心情，之前佢心情好，我咪得益。」而在首映禮儀式上，司儀黎芷珊亦有要求兩人重演廣州獻吻一幕，舒淇即豪氣地「快閃」獻吻，由於太快，有些傳媒未及拍照，星爺遂主動要求錫了面珠兩啖，舒淇一度面露尷尬狂笑。

周秀娜密實打扮亮相。

張達明與囝囝一齊來睇首映禮。

娜姐花名菠蘿包

首映前，舒淇接受訪問，被追問有關跟馮德倫秘婚的消息，舒淇即帶點不悅戲言：「生咗兩個小朋友添，喺美國，得閒嚟影，（係咪姓馮o架？）乜都有！（你係咪唔高興？）冇話高唔高興，幾得意，又嚟呢啲嘢，（咁你同馮德倫係拍拖、秘婚定戀情保密？）依家係嚟宣傳電影，唔明你問乜，你求其問我求其答啦，哈！」

舒淇耍棍，星爺在旁指導。

放大圖片

記者再問舒淇，星爺是否她理想男友之選？她說：「佢又幽默又風趣，仲有才華，我高攀唔起！」星爺則被問到聽到舒淇、馮德倫秘婚是否心情沉一沉，星爺說：「沉一沉，你講我先知！」周秀娜則指舒淇是自己心目中的性感女神，自己是女蛇。而拍戲期間，星爺更給她起花名「喜劇菠蘿包」，娜姐笑言：「可能我外層卜卜脆，內裏鬆化啦。」

而早前患癌的張達明和家人亦有到場支持，現場所見他精神不錯，但右手活動明顯生硬，他直言：「依家神經唔係好得！」他表示希望可以像正常人一樣外出，又指正和林子聰合作搞電影。

文：影視組