何傲兒保形象戒蒲老蘭

藝人何傲兒及梁烈唯昨日出席活動,對被拍得與「翻版祖藍」Wilson夜蒲,傲兒否認拍拖:「我依家冇蜜運,報道出咗後大家冇見過面,嚇怕咗佢,而佢只係車我返屋企,冇入屋,佢好gentleman。」她坦言事件影響她的形象,故決心不再到蘭桂坊夜蒲,她又表示即使拍拖亦會避忌,不會在街上拖手及親熱。

而梁烈唯則透露剛與張繼聰拍打戲,更意外地傷及對方,幸好沒流血,但已嚇得他魂飛魄散。問他拍打戲及床戲哪樣較緊張?他說:「三對一嘅床戲聽日(今日)拍,做晒心理準備,(苟芸慧話嚟探班?)如果佢嚟會仲尷尬。我都有問導演點解同佢冇床戲,導演話等下套先。」另外,他透露新年將與女友到加拿大及美國旅行,問他是否順便旅行結婚?他說:「我好傳統,結婚一定擺酒。」