薛家燕由一月中開始，已走埠登台掘金。今年家燕姐年廿九吃團年飯，她提早去了相熟的海味店辦年貨，老闆更拿出鎮店無價寶，千年靈芝供她觀賞，最後她買了大包小包鮑參翅肚，滿載而歸。家燕姐說：「其實我已經有三年冇去美國登台，以前啲仔女喺美國讀書，登台可順道去探吓佢哋，依家個個返晒香港，可以一家人食團年飯。」有指長女石祐珊與歌手王梓軒秘密拍拖大半年，問家燕姐食團年飯有冇預未來女婿？她指王梓軒為人好，但女兒說自己冇拍拖。
