高海寧獲派六千蚊利是 讚無綫正過政府
無綫今日將向全台藝員發放大利是，當中全職藝員可獲6000元，部頭合約藝員也有3000元，有份受惠的高海寧（高Ling）聞言立即多謝公司，大讚正過政府派錢！無綫已有十多年未有向藝員發放大利是，今年將有接近1000人受惠，高層樂易玲期望以後年年有錢派。將獲6000元新年財的高海寧喜說：「有得過肥年梗係開心！我會將錢封番做利是慰勞工作人員。（6000元算多?）梗係多啦！政府前年向市民派錢都係6000蚊，真係要多謝公司!」
而高Ling昨日穿上性感低胸裙現身商場活動玩遊戲。談到港姐師妹劉倩婷豪嫁玄學家李丞責，高Ling可有羨慕？「唔恨得咁多！我仲等緊真命天子，歡迎大家打嚟約我過情人節！」問到擔不擔心「有心人」打給她問價？高Ling說：「我未收過呢啲電話，就算有我都唔會理，錢之嘛，自己都搵得到啦！」高Ling透露會在賀年節目與陳煒跳蛇舞，高Ling笑言屆時會以舞技突圍，不怕輸給頻騷身材的煒哥。