徐淑敏Hea住開工
無綫藝人徐淑敏（Suki）自老公黃浩涉掌摑事件後，甚少於公開場合露面，有指無綫「重男輕女」少替Suki接工作，昨日她Hea爆現身兒童籃球訓練計劃活動，姍姍來遲的她為好友高鈞賢撐場，只在場邊拍拍手、影大合照，全程更獲老公安排的黑人保鏢跟到實。
Suki受訪時否認無綫不為她接job，並冷淡回應工作量少：「我冇特別唔開心，大家唔使理我，工作有就做冇咪算囉。」至於有傳她會引退，她說：「未得住，我仲有一隻手數得晒嘅約。」問會否趁新年除霉氣？Suki笑道：「有師傅話屋企風水整體分數差。（擺陣化解？）拎走咗啲唔好嘅嘢，但冇特別擺陣。」又稱近日心情平靜。