蔡國威收回加薪請求
前晚有份錄影ATV春晚的蔡國威，表示公司已選定周嘉莉擔任新一代六合彩主持：「馬會都批准咗，不過佢依家仲訓練緊，等佢一上軌道，我就可以放假。」早前他表示希望加薪25％，不過他澄清只是說笑：「我上一張約嘅加幅都ok，其實呢兩年都加得多，公司待我不薄。」
至於失落六合彩主持的林紫君，則表示不失望：「就算揀我，我都唔會接，因為做live壓力好大，而且唔係自己能力做得到。」早前上堂遲到1.5次的她已屬「被炒」的高危人士，不過她竟說：「我之後都好似仲有遲，我都驚畀人炒，已經有高層走埋嚟拍我膊頭叫我早啲瞓。」