容祖兒勁High聞歌起舞
容祖兒前晚跟黃偉文結伴捧關淑怡場，祖兒大讚個騷好好睇：「細個已經好鍾意聽Shirley啲歌，特登去捧場，佢一唱啲經典歌，現場氣氛好熱烈，佢勁歌熱舞嗰Part好震撼，搞到我都跟住唱跟住跳。」
跟Shirley曾同屬一唱片公司的湯寶如昨日笑說：「我係Shirley粉絲，當年參加歌唱比賽都係唱佢啲歌，個騷比我感覺好大膽，原來佢底線咁犀利，佢趷起畀dancer打籮柚個part我最記得，佢仲wow好正囉，幾好睇，佢都豁咗出去，雖然病都唱得幾好。」
老友周慧敏（Vivian）曾揚言在後台幫Shirley做「阿四」打點一切，Shirley經理人Marianne說：「Vivian先一晚陪Shirley喺紅館綵排到好夜先走，佢第一場有事嚟唔到，今晚（即昨晚）話會早啲到，喺後台睇吓有咩要幫手，佢咩都做。」