譚詠麟：狗公睇到流口水

樂壇校長譚詠麟前晚擔任關淑怡（Shirley）演唱會壓軸嘉賓，兩人在台上合唱《唱一首好歌》。校長更在台上笑言台下的男觀眾是「狗公」：「咁鬼sexy嘅你？頭先我喺後台睇到好多嘢，我唔係見到狗仔隊，我見到狗公隊，高清錄影睇到晒你哋啲表情，邊個流口水都睇到，我冇！我只係嘴角掛着淚光啫！」他又搞鬼地說：「頭先白色嗰件衫真係好正，我睇到好多唔應該睇到嘅嘢。」由於Shirley去年曾爆出自殺疑雲，故校長亦不忘勸勉一番：「你唔好再失驚無神唔見咗，太多人錫你，把聲咁正，係香港難得一見嘅歌手。」受到鼓勵的Shirley在校長落台時向在場的囝囝介紹校長：「阿仔呀，呢個叫做Alan Tam呀。」