Ana R.帶男友拜神隨時生B
名模Ana R.前晚與傅嘉莉、蔡穎恩、趙哲妤、何紫綸等出席周美鳳公關公司的周年晚宴，席間淺嘗紅酒的Ana大讚男友是紅酒專家，經常以廉價購得上等紅酒，她說：「我哋通常周末先飲酒，因為健身教練唔畀我飲咁多酒，佢話會肥；我依家一個星期做三次運動，每次最少做150下sit up！」
Ana與男友Brad感情穩定，今年二人首次在港度歲，Ana笑說：「我準備炮製中國大餐畀佢食，又諗住帶佢去拜神，因為我哋一齊之後好開心，希望繼續恩愛！」如此甜蜜可有計劃結婚？她甜笑說：「我等緊佢求婚，（訂婚先？）有可能，（想做媽咪？）我想生呀，因為我好鍾意小朋友，所以隨時ready！」
