Amanda S.尊重老公限睇30秒

前晚珠寶品牌Van Cleef & Arpels隆重呈獻高級珠寶系列，並舉行揭幕晚宴，出席嘉賓有葉德嫻、謝婷婷、鄭詩韻和老公陳鴻業、周汶錡與夫婿、李桂蘭、名媛Deborah與夫婿、模特兒公司老闆洪永時等。其中Amanda S.單拖現身，穿黑色喱士deep V裙的她十分性感，問她可有先讓老公過目？她笑說：「佢好忙唔得閒睇，不過佢唔會嬲，仲好proud of me（為我自豪），因為我之前做model佢都已經習慣！（結婚後收斂吓？）我都贊成，因為佢都好容易呷醋，所以結咗婚後我都會小心啲。如果啲男人望一陣都OK，半分鐘冇問題，佢覺得男人可以望女人，但要尊重隔籬個男人！試過有男人望我成十分鐘，佢就覺得好誇張，同埋唔尊重佢。」此外，她又謂農曆新年將至，要到銀行換新紙幣，問她幾時生個B逗利是？她說：「今年應該唔會住，因為生意好忙，壓力大，我唔想做個忟憎嘅孕婦！」

葉德嫻有報應

而同場的影后葉德嫻雖然帶病前來，但仍跟好友倫永亮一同表演唱歌，向來幽默的她說：「我氣管容易敏感，係現眼報，以前自己食煙煙親人唔知，佗BB都有食，係衰媽咪，依家畀人煙番！」其後她又主動表示看了《一代宗師》，大讚王家衛、梁朝偉及章子怡。問到想不想跟王家衛合作？她不忘搞笑說：「佢啲戲要拍幾年，我驚冇命拍！」而新婚不久的名模周汶錡就透露首年派利是十分興奮，並已預備了六位數字的利是錢！

周汶錡與夫婿拍拖亮相，其夫亦懂擺甫士。

謝婷婷穿單膊晚裝，性感高貴。

文：名人組

Deborah偕夫洪永時出席珠寶晚宴。

葉德嫻帶病在晚宴上表演，與倫永亮合唱。