梁漢文拍小齊 做搖錢樹示威

任賢齊（小齊）的經理人公司前晚舉行周年晚宴，除了旗下藝人蘇永康、周麗淇（Niki）、鄭嘉嘉出席外，連徐小鳳、導演杜琪峯及黃柏高等亦有撐場，並即場宣布梁漢文（Edmond）加盟。Edmond透露身價很正及簽約三年，他謂不會辜負大家期望，希望能成為公司的搖錢樹。問到是否國語碟為主力？他說：「我都想，希望發展國語市場，見朋友有機會但自己冇，開幾次聲都冇機會，我唔忿氣。（因此離開舊公司？）以往合作愉快，但人事轉變多，要適應。」

小齊就直言十年前已覺Edmond很厲害，一直想合作，問到以多少身價羅致？他謂自己非講錢的人，但覺與對方理念一致，希望助Edmond更上一層樓，望對方能年賺千萬。問到是否已等對方兩年？他點頭說：「之前同蘇永康傾有咩兄弟可以一齊玩，楊千嬅都讚Edmond，叫我簽佢，佢啱啱約滿我就接觸佢。」小齊又指昨日因要出席好友戎祥的出殯儀式，故完成簽約儀式就飛返台灣。

任賢齊（左起）、周麗淇、鄭嘉嘉、梁漢文及蘇永康一起祝酒。

周麗淇對徐小鳳甚為照顧。

周麗淇等嘉穎祝福

同場的Niki否認與老外拍拖，她解釋對方是家姐的朋友，而且對方有另一半，但她就自爆現與數位男士約會：「佢哋應該對我有啲意思，但我冇feel，家姐結婚嗰日佢都有介紹人畀我識，但嗰日太高興唔記得晒。」提到舊愛鄭嘉穎祝福她？Niki說：「你哋咁問佢梗係咁答，佢嘅祝福會留番我真係拍拖先。（佢拍拖你祝福佢？）當然祝福！」Niki並言想找中國人當男友：「媽咪同我講家姐已經嫁外國人，問我可唔可以搵番中國人，我唔抗拒外國人，但較想中國人做老公。」

文：音樂組