Fiona束帶谷胸 君如有點冇提
杜汶澤、吳君如、薛凱琪（Fiona）、熊黛林前晚出席賀歲片首映禮，期間「大唔透」的阿澤大講不文笑話，又嘲笑君如和Fiona平胸，Fiona前晚以一件皮帶束胸裙上陣，騷出罕見的胸部線條，實行威番次畀阿澤睇！
《海馬牌呈獻蛇年賀歲電影：百星酒店》前晚舉行首映禮，藝人杜汶澤、吳君如、Fiona、熊黛林、鄭中基、毛舜筠等出席。
「個女話我似男仔」
阿澤大爆君如在拍攝期間去了他的酒店房間做按摩，問他是否已看到君如的全相？他笑說：「就算睇到佢前面，都以為係背脊！」他又笑君如「有點冇提」，大講不文笑話。君如聞言不忿地說：「我身材一向有目共睹，係近排瘦咗啲啫。」她又大爆女兒都知她的身材：「我平時同佢一齊換衫，佢會問我點解有啲人大胸，有啲人細胸，個女覺得我身材啱啱好，但係好似男仔，佢話都係鍾意菲傭姐姐咁好肉地。」
「束『小澤』偉大啲」
Fiona以一件皮帶束胸裙上陣，強調了胸部線條，鄭中基即取笑她說：「畫公仔畫出腸。」阿澤聞言亦笑問Fiona：「束胸係咪會顯得胸部大一點，我下次都要以皮帶束住下身，令『小澤』睇起嚟可以偉大一啲。」至於月前喪父的熊黛林以喪父為由不受訪，不過她在台上仍然有講有笑。
另外，患癌的司馬燕病後首度出席公開活動，與兩名兒子一同現身的她表示黃百鳴夫婦介紹她學氣功強身，她又透露下周將入院進行第四次化療。
與林峯緋聞鬧得熱哄哄的吳千語因在內地拍劇前晚缺席首映，不過昨晚她卻在微博大呻緋聞遭熱炒的壓力，除指感到人格受傷害外，對於父母備受牽連，被指因林峯在港愈住愈豪大感難過：「爸媽是無辜的！爸一直居澳洲，媽在香港跟親人同住！……我可以無奈接受被誤會，但爸媽只是普通人，請不要傷害他們。」
文：影視組