安仔慶合合搞濕萬二蚊
楊怡與郭晉安昨日於尖沙咀為無綫拍攝春晚節目，楊怡表示會留在香港過情人節，然後到美國登台。談到緋聞男友羅仲謙渴望早點生仔，阿怡「九唔搭八」說：「歡迎佢嚟我屋企拜年！」在旁的安仔插嘴：「拜年好易做錯事！」令阿怡大呼「大吉利是」。阿怡坦言喜歡小朋友，但眼見不少父母要為搶奶粉煩惱，需要「睇定啲」才考慮生仔。謙謙豈非有排等？阿怡笑說：「等等啦！」
安仔主演的《老表，你好嘢！》大受歡迎，他預告結局篇與萬綺雯的一場「埋牙」戲拍到「慶合合」：「我同萬二蚊綁埋喺燈柱，互相感覺到對方體溫，加上嗰日好熱，拍到成身濕晒！」