伊健有心有力趕生B
【卓志恒澳門直擊】出爐新郎哥鄭伊健自秘婚後首次亮相公開活動，並自爆不再在香港大搞婚禮，心情靚爆的他更大講黃色笑話，取笑將為人父的陳小春「周詳（長）」，結果反被小春踢爆他心急生Ｂ，兩位「古惑人夫」認真風騷！
鄭伊健、陳小春、朱茵、杜汶澤、台灣藝人吳宗憲等巨星雲集澳門出席「與星同賽」活動大玩遊戲，及出席喜來登金沙城中心酒店的紅地氈典禮。伊健與蒙嘉慧（YoYo）新婚後首次出席公開活動，雖然擬結婚通知書被公開，但對於正式結婚註冊日期則封口唔提：「我唔會講幾時，我唔喺外國註冊係因為想每件事分開，同埋一直想喺香港註冊。」
伊健又預告不再大搞婚禮，一心只想與老婆二人世界慶祝：「唔再大搞，冇接新娘、冇婚紗，我哋會去浪漫地方慶祝。」而剛宣布太太有喜的小春透露有意將BB改名為「陳彼」：「我想第一胎係女，因為姐姐會比較照顧細佬。」身旁的伊健即對小春大講有味笑話：「諗到咁長遠，唔怪得你咁『周詳（長）』。」
唔使靠醫生催谷
被幽一默的小春不忘「還拖」，問到可會催伊健生Ｂ時？他踢爆對方早已心急恨Ｂ：「可能佢係生咗先結婚呢！不過都知佢係急嘅，因為見到身邊老友都拖男帶女。」提到有好友介紹醫生谷Ｂ？伊健否認YoYo有孕之餘，並笑說：「我咁健康，使乜？不過暫時未有打算。」而「伊健小春隊」最後順利贏出大會比賽，各人得五萬元購物券並捐出給其他參賽者，可謂「多喜臨門」。
朱茵拋胸打手印
另外，榮升做「索媽」的朱茵為力證產後冇走樣，着上黑色緊身低胸晚裝，力谷「心形胸」倒奶打手印，大晒四吋事業線。問到老公黃貫中涉嫌違反選舉法例被捕，她說不作回應，沒有影響其工作心情。產後極速復原的她指坐月有功，產後二十多日才洗頭：「好彩隔籬嗰個（老公黃貫中）唔介意。」黃貫中亦在微博大晒囡囡大頭照，更父愛爆棚留言說：「其實就連一秒都不想與你分開，但工作要緊。」
文：音樂組