婷婷拖住先 唔做蛇新娘
謝婷婷的男友安志杰曾揚言想於今年跟婷婷拉埋天窗，不過婷婷昨日就表示不會做蛇年新娘，即使訂了婚也要多等幾年才結婚，而她母親狄波拉（拉姑）已預留了大批珠寶給她做嫁妝，她說不會像哥哥般秘密結婚，一定要有父母家人見證。
婷婷昨日擔任嘉賓模特兒為Van Cleef & Arpels高級珠寶系列示範價值1,700萬元的珠寶鑽飾，閃爍耀眼，而品牌全球總裁及首席行政官Nicolas Bos全程對她照顧有加。問婷婷結婚時可會佩戴如此貴重的珠寶？她說：「No harm，why not？一世人一次。（媽咪可有傳家之寶同嫁妝畀你？）我每次幫呢個品牌做嘢，媽咪都有問價錢，可能我結婚會借啲意拉帶媽咪去買。媽咪有留珠寶畀我，佢有帶我去保險箱睇，佢知道我哋品味唔同，叫我可以將啲石拆出嚟再鑲嵌過，不過有啲珠寶例如古董首飾我知道拆咗出嚟就冇價值。」她指哥哥對鑽石很有研究，媽咪也有留珠寶給哥哥。問到媽咪是否偏心她留多些給她？她笑着點頭說：「係呀，係呀，其實冇話分畀邊個，大家一家人。」
唔學哥哥秘婚
提到鄭伊健跟蒙嘉慧日前秘密結婚，婷婷謂她和男友將來也可能會結完才跟大家說；那可會像哥哥般只是兩個人秘密結婚？她說：「當時我知道都嚇一跳，但都好戥佢哋開心。自己唔會好似哥哥咁樣，一定會同家人分享，一定要有父母家人見證我結婚。」她透露爸爸已跟她預告了她結婚那天爸爸必會大哭，她又表示自己不會做蛇年新娘，她說：「就算訂咗婚都會等多幾年先結婚。」
