翻版法拉陳思欣「甜」絕模界
o靚模蔡穎恩（Evelyn）師妹陳思欣（Eunice）甫入行即有「翻版陳法拉」稱號，外貌sweet爆，更擁有一雙42吋長腿，殺入模界完全無難度！不過身材一向苗條的Eunice表示，日前飛到台灣拍攝廣告，竟然變成增肥之旅：「我食咗好多台灣街邊小食，實在好食到忍唔到口，所以搞到依家肥晒，我都唔敢去磅重咗幾多，哈哈！」寓工作於旅遊的Eunice更笑稱台灣之行「無王管」，free爆勁歎：「因為嗰幾日全程得我同公司另一個女仔，我哋兩個女仔好似闖蕩台灣咁，無人管，自由自在！」
Eunice透露最近參與拍攝微電影，更會與男模有一幕「床上戲」：「嗰場真係床上戲，因為我哋瞓咗喺床上面拍，不過我只係瞓喺男model隔籬！」原來Eunice不但樣貌似足陳法拉，連性格都一樣清純！
Profile
綽號：翻版陳法拉
年齡：20歲
三圍：33、24.5、32
身高：1.65米
入行經過：Eunice憑貌似無綫藝員陳法拉及甜美外貌成為模特兒，去年曾以校花身份在無綫節目《三個女人一個墟》亮相，現時主要拍攝平面、電視廣告及微電影。