張晉暗示蔡少芬佗仔
梁朝偉、張晉主演的《一代宗師》票房報捷，前晚拉隊慶功宴，張晉透露已知太太蔡少芬腹中BB的性別，坦言可以收工。問到今次是否生仔湊成個好字，他沒有否認只說：「我都未講。」梁朝偉則表示不期望憑《一》片角逐金像獎影帝。
由影帝梁朝偉及張晉等人主演、王家衛執導的電影《一代宗師》，至今內地票房收近三億人民幣，香港亦收近二千萬元港元。前晚偉仔率領張晉、劉家勇、吳廷燁、羅莽等演員，和武術導演袁和平出席電影慶功宴。
已知預產期
張晉甫從上海返港便匆匆趕到會場，他透露剛與懷有身孕的太太蔡少芬到了上海工作，自己先行返港，太太則到內地其他地方工作，他說：「今次之後佢應該休息，佢性格係咁，限佢唔住。但每次都有問過醫生，唔會冇責任咁飛。」
已育有一女的張晉被問到太太腹中BB性別，他說：「預產期同性別都知，但唔講住，到時就知。（收工？）係呀，夠嘞。（生仔？湊成一個好字？）我都未講，兩個夠數，有個伴嘛。」張晉在《一》片中表演出色，坦言多了工作埋身，他表示要多謝王家衛給予機會，笑言今年過肥年。
偉仔撐王導
偉仔表示，《一》片有好成績也戥王家衛開心：「有一部戲收得賣錢，對投資者有交代。過往其他地方都唔蝕嘅，係香港未有咁好成績。」他表示王家衛不會轉型拍其他類型電影或商業片。對於有指《一》片未能趕及參與今屆香港電影金像獎，令偉仔無法角逐影帝，偉仔說：「冇所謂，工作心態係感受個過程，仲有要求咩，最開心係一大班電影人一齊玩。」談到偉仔若參與下屆金像獎，或會與甄子丹、黃秋生同以「葉問」角色競逐影帝，偉仔說：「冇所謂啦，都冇諗。」
文：影視組