張暖雅唔使識王子涵
性感女星張暖雅前晚出席活動，提到因她指羅彩玲（Vivian）借與陳偉成床照博上位，結果被Vivian好友王子涵（王晶女兒）指她抽水，對於鬧出是非張暖雅不以為然：「我都唔識佢，將來都唔需要識。（呢個世界係圓嘅？）出道以嚟，佢公司冇畀過飯我食，但我唔會餓死。」事後其經理人有勸她勿多管閒事，她亦覺得要慎言：「但我冇人身攻擊，係人哋攻擊我。」
同場的o靚模Naomi（馮鎵瀠）與張、王都是朋友，她會了解件事，亦有意做和事老安排飯局。她又否認與理大講師拍拖：「只係收花又唔係收戒指，希望佢會鍾意我，我唔排除發展可能。」