Asa學韓語引仔埋身
今時今日做o靚模，只識露事業線已經唔夠，陳靜同門師妹曾善美（Mei Mei）、王梓如（Ayu）及關紫藍（Asa）近來頻頻習舞，更要學埋外語。三個女仔當中，以Mei Mei學舞經驗最淺，每次都要花很長時間拉筋，她們以韓國風格的舞步為主，閒時狂煲韓國音樂MV偷師，最愛韓國當紅組合Big Bang。
除了一個禮拜跳足六日，剩餘時間她們還要學韓文，雖然暫時只停留在學日常用語的階段，希望有日可以流利溝通，Asa笑言學識一句很有用的韓語：「我識用韓文講『我冇男朋友』！呢句好緊要，下次去韓國旅行可以同啲靚仔講呢句！」