鍾舒漫新年重生搞創作

鍾舒漫初出道時唱抒情慢歌，以鄰家女孩形象示人，不過近年見Sherman轉走快歌跳舞路線，她坦言去年能夠製作一張全快歌專輯是新嘗試，她說：「自己一直唔想走回頭路，想keep住進步係必定。舊年第一次做快歌專輯，入面好多歌嘅唱法都係以前未試過。（本身鍾意跳舞？）鍾意，如果我唔鍾意做係無人會逼到我去做。做音樂都係，如果要我為突破而突破，勉強去做係唔work！」

談到Sherman大熱歌曲《給自己的信》和《好好擁抱》不約而同由周耀輝填詞，Sherman表示：「佢真係一個好有熱誠嘅人，佢都經常用心咁去幫我，我亦都會好用心咁去演繹報答大家！」

鍾舒漫近年多了唱跳舞歌曲。

Sherman希望今年可以走創作路線，不過擔心時間不夠用。

出碟密無時間

去年盛傳的世界末日平安度過，世界如「重生」一樣，Sherman坦言自己都一樣，希望今年可以嘗試作曲，她說：「以前嘅我性格騰雞，容易受外界影響，但我依家唔會啦！今年好想試吓作歌，但好坦白喺香港出碟好密，有時我根本無時間擺喺創作上面，所以希望今年其中一張專輯，入面所有歌都係由我親自去創作，好似將我嘅生活話畀歌迷聽咁！」

自信唔會轉行

現今樂壇做碟甚艱難，Sherman也曾被問過有否打算轉行，她表示只要抱有希望，甚麼都能解決，她說：「有朋友問過我，呢行好似無咩前景咁，問我有無諗過轉行，我梗係無啦！如果大家鬥灰，一定唔會有希望，所以今年我係充滿信心！」