劉以達一分鐘貨仔 老婆嫌渣
歌手劉以達（達哥）與太太「孖公仔」上ontv《娛樂on Show》接受訪問，自爆日常「零運動」的達哥，向主持人示範「處男做Gym」，相反「達嫂」冼美珍揹起達哥後仍可健步如飛！
身為電子音樂達人的劉以達（達哥），早前與太太冼美珍恩愛接受《娛樂on Show》訪問，達哥向主持人俞詠文（Angela）自嘲是「運動白癡」，雖然達哥在主持人見證下，表演「處女做Gym」，但只是做了約一分鐘的運動，達哥便已開始大呻辛苦！他坦言：「我係一個反面教材，因為我從來都唔做運動，以前拍戲時試過扮做gym，但如果要真係落手落腳做gym，今日都係第一次！」在旁的達嫂更大爆「拗手瓜」可「拗贏」達哥：「我平時好鍾意做帶氧運作同行山，但係老公從來都唔會陪我行山，佢淨係鍾意留喺屋企！我拗手瓜可以拗贏佢之餘，要揹起佢都亳無難度！」說罷她即揹起達哥，見她仍健步如飛，之後更揹起Angela，果然是女中豪傑。
撐拍檔同志身份
之後，Angela問到達哥今年即將推出的新碟是否福音碟？達哥坦言：「我信咗基督教兩、三年，但今次我推出嘅碟唔係福音碟，因為我認為福音碟嘅歌詞會有『我愛耶穌』、『我愛上帝』呢啲字眼，但我嘅新碟《第四度空間》，係無呢啲字眼！」對於好友黃耀明早前發表「出櫃」宣言，公開「同志」身份，身為基督徒的達哥表示：「我哋要用愛去包容人，（支持明哥？）支持！要用愛去跟人相處，就算佢有好多嘅不足，都要接受佢！」想知道達哥更多的真情剖白？立刻Click入ontv去片啦！
文：專案組