梁嘉琪 緣未到 唔急得

梁嘉琪、楊潮凱及潘曉彤非常老友，早前相約提早食團年飯，搞新意思歎齋盆菜，貪其夠健康唔肥膩。期間嘉琪參與下廚，三人又細心地將多款美味配料鋪成盆菜，獲師傅大讚值80分！

歎貴價齋菜

嘉琪表示平日食盆菜以肉為主，今次試齋盆菜可謂「一新口味」，18款餸菜包括松茸、榆耳、淮山、花菇及芋蓉丸等，不乏貴價材料，三人更露出「狼相」搶食，個個食到Lam Lam脷！曾在外地生活的曉彤對飲食亦相當挑剔，認為很多中菜都較多油，因此間中也會食齋。

左起：楊潮凱、梁嘉琪及潘曉彤歎齋盆菜賀年，見到美食即流晒口水。

嘉琪落手炮製齋盆菜，似模似樣。

每逢農曆新年，他們各自與家人下廚為樂，嘉琪會與婆婆炮製蘿蔔糕及做油角，但笑說：「有時油角唔夠餡，有時又多到爆，其實我係未成功過。」潮凱會與父親整特大腐皮卷，曉彤則與家人自創煎春卷皮包年糕，令嘉琪及潮凱非常好奇！

曉彤學減壓

問到蛇年願望，嘉琪表示早前拍劇因大病消瘦不少，希望增肥及保持健康，單身一段時間的她提到姻緣即說「急唔嚟」。至於曉彤搞笑地表示想閃婚：「以前諗住30歲前生到兩個，但機會好渺茫喇！另外我仲未識舒緩壓力，希望新一年唔會再失眠。」潮凱則希望拍劇有突破，並想踩入樂壇獻sing！

文、攝：立影