夏尉喻刷淨寸嘴過新年

擁有35C「胸」湧上圍的「寸嘴Barbie」夏尉喻(前名廖祉甯),為了洗底,特地去學風水,自己改名之餘,更穿上性感三點式浸spa「洗白白」,刷乾淨棚牙,希望一改「寸嘴」本色,重新在新年再闖娛圈。

Barbie為以全新形象示人,特意跑去學風水為自己改名:「夏尉喻呢個名係我學風水之後幫自己改嘅,我希望喺新一年可以有一個新開始,以前我因為唔識回答媒體嘅問題,成日帶大家遊花園,令大家覺得我好寸嘴,但我承諾以後會改口,希望大家大人不記小人過,畀個機會我改過!」她更坦言早前已罰自己「面壁思過」一年:「過去一年我專登搬出去自己一個人住,就係想調理好自己嘅情緒,而最重要亦係反思自己嘅過錯,希望將來唔會再犯同樣嘅問題!」

視錢國偉為恩師

早前Barbie被發現在工展會餵金牌監製錢國偉(Wilson)食腸仔、鮑魚,對於是否漠視Wilson正印女友陳宛蔚的存在?Barbie表示視Wilson為恩師:「Wilson其實係我嘅恩師,我哋私底下好friend,因為佢成日都教我做戲,之前我有客串佢執導嘅《黑色喜劇》,真係好多謝佢畀機會我!」Barbie亦坦言決心蛇年勇闖影視圈:「我真係好鍾意拍戲,希望嚟緊蛇年可以有多啲機會參與拍戲,之前我有客串賀歲喜劇《2013我愛HK 恭喜發財》,希望嚟緊我亦可以試拍多啲唔同嘅電影啦!」