Julio盡快造人
孖仔組合Soler昨日在亞視大埔總台為新春節目進行錄影，大孖Julio的新婚太太、台中市市長千金胡婷婷都有到場支持老公。Julio和太太相戀半年就閃電成婚，Julio笑言結婚要講靈感，他說：「我不嬲都跟靈感做嘢！（鍾意太太啲咩？）鍾意佢好多嘢，性格好適合我！（造人？）有呢個計劃，但唔知幾時，但係會盡快！」而已為人父的弟弟Dino就開心謂湊BB好開心，又謂兒子使自己更完整。
忙籌備新碟
另外，Soler早前與蜂鳥音樂因合約糾紛而被索償近600萬元，蜂鳥更入稟法院成功申請二人破產。問到破產一事，Julio就表示：「申請係佢哋嘅事，我哋要跟住規矩做嘢，至於佢原本以為（我哋）破產可以見到啲錢，我諗依家難啲！」
破產不久就和台中市市長千金結婚，問到怕不怕被指黐金糠？Julio表示：「正面啲睇，就算我冇錢，佢都願意同我一齊，我覺得呢個好難得，我好開心！」Dino透露他們正在籌備新碟，3月後會開始打歌。
文：影視組