毛舜筠吳君如 19年冇偈傾

毛舜筠及吳君如均是黃百鳴的賀歲片鐵膽，但二人上次合作，已是1994年的《傻大姐翻轉瘋人院》。毛姐坦言與君如友情「破冰」：「後生拍戲較匆忙，冇乜機會傾偈，今次差唔多日日一齊食飯，大家做咗媽媽，有講唔完嘅話題。君如仲帶埋DVD同我哋成班女演員、助手做運動，拍戲咁多年都未試過。」

鄭中基變成熟

說到湊女經，已為人父的鄭中基亦加入研究，毛姐笑言毋須向「阿仔」過招：「我同中基曾在《老港正傳》合演母子。新抱仔（余思敏）湊女好有心機，我成日笑阿仔，依家攬住兩個女已經滿足晒。無論待人處事同演技，佢都成熟穩定咗好多！」

毛姐預祝大家蛇年心想事成。

吳君如、毛舜筠和鄭中基合作賀歲片友情升呢。

挑戰影后寶座

毛姐兩個女兒亭亭玉立，家庭至上的她渴望挑戰影后寶座，卻不會刻意增產。毛姐說：「大女可能到外國讀大學，所以更加珍惜相處日子。拍多幾部唔一定攞獎，一擊即中最重要，要等各位導演畀咩我發揮喇。」

談到好友張國榮逝世十周年，毛姐不會特別紀念，但每當憶起與哥哥的麻雀枱趣事，依然會心微笑：「我哋過年打牌打足七日七夜。哥哥轉數好快，我哋打慢啲，佢都拎住把牌尺催我哋，好多笑料。」

文：影視組

攝：林楠

髮型：Paul Chow il Salon

服裝：ACETEX Fashion club

場地：Kuka Home