G.E.M.開咪 暗寸甄妮
甄妮早前指小巨肺鄧紫棋（G.E.M.）沒有和她打招呼，事件似乎仍未解決，G.E.M.日前為新城電台的晨早新節目任嘉賓，她說會向聽眾大叫「早晨呀！」來打招呼，疑暗寸對她不滿的甄妮。G.E.M.又自爆凡事以男友為先，試過有次為男友下廚切傷手指流血，但她堅持繼續煮，讓男友一嘗其廚藝。
巨肺歌手鄧紫棋（G.E.M.）日前獲新城知訊台邀請，擔任全新早晨節目《晨「希」Good Day》的首位嘉賓，節目將於下周一（2月4日）首播，並由新城DJ林柏希、首度在新城開咪的詹瑞文徒弟蝦頭以及黃婉曼主持。
見愛人變溫柔
殿堂級歌手甄妮早前表示與G.E.M.同場，但G.E.M.沒有與她打招呼，事件至今似乎仍未解決，G.E.M.表示會在電台節目中向聽眾大叫「早晨呀！」來打招呼，疑暗寸對她不滿的甄妮。
G.E.M.又自爆不懂在鏡頭前扮演溫柔角色，主持之一的蝦頭笑言要為G.E.M.進行戲劇訓練，但G.E.M隨即自辯平日對男朋友很溫柔，她說：「有時大家決定想做某啲嘢，男仔就最鍾意講實晒，但就唔做任何準備。我就會好細心咁睇晒所有計劃，擺晒啲選擇喺佢面前畀佢揀，因為啲仔細嘢我信唔過男仔。」
蝦頭形容G.E.M.是成功男人背後的女人，另一主持林柏希又形容她為「小女人」，G.E.M.笑言自己間中會變成「大女人」鬧人。
傷手指照煮餸
不過，G.E.M.又講述另一次細心對待男友的經驗：「試過喺屋企煮嘢食畀男友，我唔小心切傷手指，搞到成廚房都係血，但我男友仲未返到嚟，我就舉高隻手指煮埋啲嘢食先，等到佢返嚟開門畀佢，再自己去廚房抹番啲血。」
文：音樂組