楊秀惠奉旨扮嘢 放笑彈
楊秀惠在新劇一改過往靚女形象，實行不顧形象扮嘢，形象百變扮演包括村姑、歌女等角色，楊秀惠也被讚有喜劇細胞，更揚言觀眾可以看到她真實的一面，她說：「我成日都Natural high，乜都笑一餐。」
藝員楊秀惠過往在螢幕亮相都以靚女形象示人，今次在新劇《初五啟市錄》中則一反過往，劇中飾演臥底的她不顧形象，扮演歌女、村姑、忍者、學生、西關小姐等，劇中形象百變，楊秀惠也覺得是難得的發揮機會，她說：「以前要扮靚女，今次就唔使顧形象奉旨扮嘢，角色好開心，可以話係做番自己。唔使扮靚女最好係可以化妝唔使咁多時間，可以瞓多啲。」
監製好滿意
楊秀惠在劇中的演出誇張搞笑，監製也讚有喜劇細胞，她說：「最初都有少少擔心呢種演繹方法會唔會太過浮誇，但係監製睇完覺得好好笑，好滿意。監製話做喜劇最重要係自己開心先，如果自己唔開心，就做唔到，啲同事成日都話我係癲嘅，成日Natural high，乜都笑一餐，觀眾今次可以睇到真正嘅我。」
今次拍攝輕鬆賀年劇，楊秀惠認為可以平衡情緒，她說：「之前拍《金枝慾孽貳》，角色係好苦情，難免被角色影響情緒，今次拍《初五啟市錄》就輕鬆好多，可以中和番。」
文：影視組