葉翠翠孭飛 床戰救收視

近年無綫劇集滲入重口味，《名媛望族》的江美儀玩黑絲誘惑、《雷霆掃毒》徐子珊的一秒輪姦，以及《法網狙擊》高海寧被強姦等戲份都掀起熱話。前晚《初五啟市錄》延續重口味作風，飾演老千的葉翠翠為嫁入豪門，不惜犧牲色相，情挑與自己年紀相差一大截的張國強，玩忘年肉搏。

羅蘭疑透Bra上陣

劇情講述扮飲醉的翠翠，在床上頻頻自摸兼嬌聲猛叫「好熱」，令張國強受不住誘惑，最終「生米煮成熟飯」。不過有網友表示同晚播出的《老表，你好嘢！》，78歲的羅蘭疑似透Bra，比葉翠翠自摸更好睇！觀眾反應麻麻，收視最高得28點，未如理想，昨日翠翠與《初五啟市錄》演員黃浩然、林夏薇等出席活動造勢。

被嘲啱演重口味

對於前晚播出的情挑張國強戲份，翠翠指拍攝時非常尷尬：「嗰日我同同事睇playback，我都睇到面紅紅，同事仲笑我，話我好啱做呢啲角色。」她更自爆將會與楊明有激烈床上戲：「我哋會激吻，（學高海寧大露背？）露膊頭咋！諗落套劇親熱戲都好似係晒我身上，好在依家冇男朋友，如果唔係一定鬧交收場！」另外，黃浩然坦言收視告急，希望可以多做宣傳力谷收視，他說：「對手（《老》劇）好強，佢哋講時事，比較貼緊社會，所以會多啲觀眾留意。」

文：專案組