林峯帶吳千語返鄉拜年

無綫當家小生林峯、鄭嘉穎、花旦胡杏兒及鍾嘉欣，前晚聯同韓星SISTAR及朴政珉等在首爾為無綫春晚節目《TVB新春黃金慶典》錄影，兩地紅星在台上表演勁歌熱舞。林峯與吳千語BB近期戀情鬧得熱哄哄，與林峯傳過緋聞的鍾嘉欣似成過去式，兩人也放低戒備，在台上倒數時公然咬耳仔。

農曆新年會放假的林峯將返廈門過年，他說：「細妹生咗兩個BB所以會返去過年。（係咪同BB一齊過年﹖）係，屋企人去邊我就去邊。（同吳千語拜年？）會同好多親戚朋友拜年。（吳千語係親人定朋友﹖）唔好問我呢啲，我戴咗耳筒，突然淨係識聽韓文。」林峯指因語言問題難與韓星溝通，但大讚女子組合SISTAR的主音唱得動聽，林峯又說曾獲韓國組合Big Bang邀請擔任南京站巡迴演唱會嘉賓，但因撞期未能成事。

吳千語日前拍攝美肌平面廣告，還請工作人員食心形朱古力。

鍾嘉欣（右）與胡杏兒互相打氣。

鍾嘉欣震騰騰

前晚獻唱英文歌的鍾嘉欣受訪時自爆緊張得落台後也震騰騰，她說：「韓國歌手由細接受訓練，個個都好勁，出場前都同杏兒攬一攬互相打氣。」嘉欣指與林峯雞啄唔斷因為很久沒見，但沒八卦林峯的緋聞。講到林峯的歌曲《BB》，主角會否是「嘉欣BB」，嘉欣笑說：「唔係，藝人嘅私隱都係低調啲好，我明白佢感受。」嘉欣認為與林峯的緋聞已過去應該除名，自言要做新一代BB。

另外，最近在無錫拍劇的吳千語日前抽空拍攝美肌廣告，她說在無錫水土不服，令她瘦了。千語又透露情人節若不用工作會與好友相聚，更會送朱古力給朋友應節。