草蜢風騷：一早知啦

伊健一班兄弟因冇份去飲而嬲爆爆，但草蜢前晚卻風騷表示早知對方到日本結婚，並已送上祝福，蔡一傑說：「不過我哋因忙排無綫春晚Show去唔到啦！但都戥佢高興，兩個人終於拉埋一齊（拉埋天窗），（喺香港擺酒去飲？）唔可以代人答，等人請先諗送咩禮！」問到三子準備送甚麼禮物，蔡一智指伊健「乜都有」：「佢有名、有利、有樓、有女，女係指佢有老婆，好美滿！」蘇志威則期待伊健盡快加入做爸爸行列。至於同樣有被邀請去飲的黎諾懿，因工作關係未能赴東京，他稱相信兄弟們話嬲只屬講笑，如果補擺酒就當大家聚一聚。