蒙麵補擺酒 天華「絕食」
伊健為保密婚訊，連平日稱兄道弟的一班「古惑仔」成員及Friend爆的錢國偉（Wilson）、古巨基和葛民輝等也全不知情，難怪一班兄弟嬲到震！其中阿葛稱要同伊健「絕交」，陳小春亦怪伊健：「我哋古惑仔有一個微訊群組，之前個個話去日本。我都有問佢，伊健話返嚟香港會解釋。」
記者以電話訪問錢國偉，問他若伊健在港補擺酒會否到賀？他似怒氣未消說：「我都要度吓期！（伊健大支嘢？）佢大支嘢就不嬲係啦，（祝福佢哋？）開心事梗祝福佢，祝佢哋踩單車踩到尾啦。」問他是否嬲伊健？他即說「唔講啦」便掛線。謝天華昨到醫院探洪天明的BB，離開時被問伊健昨晚返港可會約他食飯慶祝？天華則稱要開工未能食飯。看來伊健要力保「友情歲月」需逐一解畫了。
