林子祥揀新抱奄尖
林子祥（Lam）昨日與乖仔林德信（Alex）及音樂人趙增熹為下月的演唱會《絕對熹祥A Mix & Match Concert with林子祥趙增熹》綵排。由於Alex近年不時被拍到與不同女伴行街，問到會否邀請一眾緋聞女友睇騷？Alex點頭說：「會。」Lam即被笑可即場揀新抱，他說：「好難過我對眼。」
教仔合眼唱歌
阿Lam與Alex見面便講不停，問Lam是否很少見Alex？他笑說：「佢好忙o架。」記者笑Alex忙於拍拖？Lam不置可否說：「呢啲我唔知。」搞到身旁的Alex尷尬傻笑兼急急澄清說：「我近排喺屋企練歌，爸爸啲歌好有難度。」隨即透露個唱中會與爸爸合唱，問Lam有否過兩招唱歌技巧給仔仔？Lam說：「合埋眼唱就得，最緊要Feeling。」
對於鄭伊健與蒙嘉慧於日本秘婚，曾與伊健合作電影的Lam說：「同佢拍戲時佢唔係同呢個（指蒙嘉慧），為佢哋開心，佢係一個穩穩定定嘅人，祝佢哋一生一世同開心。」