錢嘉樂：蒙嘉慧值滿分
「蒙麵」修成正果結婚，鄭伊健的兄弟、好友們如錢嘉樂、謝天華、古巨基、陳小春、黎諾懿、蔡卓妍等因為工作，未能到日本出席婚禮，但一眾好友送上無限祝福。
錢嘉樂：佢喺微博神神秘秘咁，伊健向來都注重私隱唔高調，呢排好多好消息，小春做老竇，伊健又結婚，聽到都開心。（蒙嘉慧呢個阿嫂值幾多分？）能夠箍得住陳浩南都滿分啦！等佢哋返嚟聚吓囉！
黎諾懿：我一早就知，因為趕拍劇去唔到，我知佢哋想搞個好有紀念嘅婚禮，我同佢兩個都好熟，去唔到都唔開心，等佢哋返嚟，揀份好好嘅禮物送畀佢哋。
古巨基：心裏充滿了感動！恭喜我的兄弟和阿嫂，終於等來這一天了！想起了伊健這首歌《一生愛你一個》，今天聽起來更有feel。
謝天華：「梗戥佢開心，叫佢喺香港補擺番啦。（催佢快啲生仔？）呢啲嘢佢哋自己諗啦，我又唔係佢阿媽、阿爸？小春就嚟做老竇，佢又結婚，真係喜上加喜！」
歐陽震華：「嘩，終於有情人終成眷屬，咁咪好囉，開花結果，佢哋兩個好襯，又鍾意運動同打機，祝福佢哋！」
陳小春：「我喺上海返嚟，啱啱先知道，佢恭喜咗我做老竇我先恭喜佢結婚。」