「蒙麵」東京秘婚，蘇永康形容是百年好合，期待已久：「等到頸都長，伊健根本係個大細路，YoYo頂唔頂得住？再生多件（細路）頂兩件都好惡頂！生唔生唔緊要，最緊要兩個開心。」
好友楊千嬅恭喜伊健成家立室，更讚他揀對地方結婚：「佢成日去朝聖，希望佢哋快啲生BB，有仔趁嫩生，愈早生愈開心。」叮囑伊健回港補請食飯，順道代兒子追利是：「囝囝第一年逗利是，起碼都金牛一封，仲要派雙封。」曾與YoYo合作拍戲的楊愛瑾祝他倆早日生BB。
而官恩娜（Ella）、胡定欣昨日出席Lancome活動亦恭喜二人白頭到老，Ella難忘與YoYo首次合作，第一日、第一場戲、第一句對白就鬧她「八婆」。
