洪金寶感激新抱
升任做爺爺的洪金寶，昨晚和太太高麗虹到醫院探望周家蔚，見到孫仔與自己十足餅印，笑言好興奮，流到冇晒口水，他自豪的說：「當然啦，我咁靚仔！（有冇抱孫仔？）依家啲流感、細菌咁厲害，唔敢輕舉妄動，冇抱到。」問到如何獎勵新抱時，他表示很感激家蔚：「多謝新抱，獎勵就唔使，一家人都知佢好好，一家人最緊要開心，生活快樂已足夠。」
他指還在考慮孫仔的名字，表示天明都有想法，笑言兩父子要打一場先，邊個贏就邊個話事。突然洪金寶又有感而發說：「其實做人嘅嘢，冇乜所謂，由細玩到大，60年之後，最緊要見到面，講真都唔知邊個去先。」難道當上爺爺就會變得如此感慨？