雨僑精神病患晚晚喊

早前天氣最凍的幾日，雨僑就在中山山區拍外景：「嗰幾日得攝氏幾度，我仲要着夏天背心，真係凍到震，震到入心。」

片中雨僑扮演精神病患者，角色複雜，人見人驚，成日有幻覺胡思亂想，還攞刀拮人，她說：「我知個角色難演，之前跟詹瑞文學戲打好基礎，最後都係瘀爆，因我抽離唔到個角色，晚晚打電話返香港對住阿媽喊，令佢好擔心。」

雨僑亦看過鄧特希監製的《壹號皇庭》，今次初度合作更覺得他是個好導演。